سانحہ کارساز کی ملزمہ جوڈیشل ریمانڈ پر جیل بھیج دی گئی

ملزمہ نتاشا کو سٹی کورٹ میں واقع عدالت میں پیش کیا گیا تھا پولیس نے 14 روزہ ریمانڈ کی استدعا کی جبکہ وکیل صفائی نے موقف اختیار کیا کہ مقدمے میں شامل دفعات قابل ضمانت ہیں تاہم تفتیشی افسر نے عدالت کو بتایا کہ مقدمے میں قتل بالسبب کی دفعہ 322 کا اضافہ کیا گیا ہے جو ناقابل ضمانت ہے۔اس کے علاوہ متوفیان کے لواحقین کے وکیل نے عدالت سے استدعا کی کہ یہ پتہ لگایا جائے کہ ملزمہ نے کس قسم کا نشہ کر رکھا تھا جس کے باعث اس نے دو افراد کی جان لی۔
عدالت نے ملزمہ سے مختصر سوال جواب کیا جس پر اس نے بتایا کہ اس پر کوئی تشدد نہیں کیا گیا۔ عدالت نے ملزمہ کو جوڈیشل ریمانڈ پر جیل بھیجتے ہوئے آئندہ سماعت پر تفتیشی افسر کو مقدمے کا چالان پیش کرنے کا حکم دیا۔
قبل ازیں ملزمہ نتاشا کو جنا ہسپتال میں زیر علاج رہنے کے بعد ڈسچارج کر دیا گیا تھا۔
جناح ہسپتال کے نفسیاتی وارڈ کے سربراہ ڈاکٹر چنی لال کے مطابق 19 اگست کو جب ملزمہ کو ہسپتال لایا گیا تھا تو بظاہر اس کی حالت ٹھیک نہیں تھی، اس کے اہل خانہ کا کہنا تھا کہ وہ ذہنی مریضہ ہے لیکن اس حوالے سے وہ کوئی سابقہ ریکارڈ پیش نہیں کر سکے ڈاکٹر کے مطابق ملزمہ کی دماغی حالت بالکل ٹھیک ہے اور اس کے خودکشی کرنے کے امکانات نہیں ہیں۔

The accused of Karsaz tragedy sent to jail on judicial remand,سانحہ کارساز کی ملزمہ جوڈیشل ریمانڈ پر جیل روانہ