غارِ حرا جانے کیلئے پہلی کیبل کار کا آغازآئندہ برس متوقع

سعودی عرب میں عمرہ زائرین کو غار حرا تک کیبل کار کے ذریعے پہنچانے کے پراجیکٹ پر کام کرنے والی کمپنی نے دعویٰ کیا ہے کہ کیبل کار کو آئندہ برس تک کھول دیا جائے گا۔

عرب میڈیا کے مطابق مکہ مکرمہ میں غار حرا تک جانے کیلئے کیبل کار کا اسٹیشن مقدس پہاڑ پر 634 میٹر کی بلندی پر ہوگا۔کیبل کار نصب کرنے والی سمایا انویسٹمنٹ کمپنی کے سی ای او فواز المحریج نے اعلان کیا ہے کہ غار حرا تک کیبل کار پراجیکٹ تکمیل کے آخری مراحل میں ہے۔پراجیکٹ کے سی ای او نے بتایا کہ پراجیکٹ کو زائرین کیلئے آئندہ برس کھول دیا جائے گا۔

واضح رہے کہ مکہ مکرمہ میں مسجد الحرام سے کچھ فاصلے پر واقع غار حرا جانے کے لیے زائرین کو طویل پہاڑی سفر پیدل طے کرنا پڑتا ہے جو خاص طور پر گرمیوں میں بہت مشکل ہوتا ہے جبکہ بزرگ زائرین اور کمزور افراد کے لیے یہ سفر اور بھی طویل ہو جاتا ہے۔سعودی حکومت کی جانب سے غار حرا تک جانے کے لیے کیبل کار کی تنصیب حجاج کرام اور عمرہ زائرین کے لیے بہت بڑی خوشخبری کا درجہ رکھتی ہے۔

The first cable car to go to Ghar-e-Hara is expected to start next year،غارِ حرا جانے کیلئے پہلی کیبل کار