فیض حمید نے پی ٹی آئی کو کبھی ہدایات جاری نہیں کیں،بیرسٹر گوہر

پاکستان تحریک انصاف (پی ٹی آئی) کے چیئرمین بیرسٹر گوہر کا کہنا ہے کہ پی ٹی آئی کا جنرل فیض حمید کی گرفتاری سے کوئی تعلق نہیں، انہوں نے پارٹی کو کبھی کوئی ہدایات جاری نہیں کیں۔

اسلام آباد میں میڈیا سے گفتگو کرتے ہوئے چیئرمین پی ٹی آئی بیرسٹر گوہر نے کہا کہ آرمی کا اپنا کوڈ آف کنڈکٹ ہے، وہ کسی ریٹائرڈ یا حاضر سروس افسر کو کن الزامات پر ٹرائل کرتے ہیں یہ ان کا اختیار ہے، اس حوالے سے کوئی سیاست نہیں ہونی چاہیے۔

بیرسٹر گوہر نے الزام لگایا کہ نیب سیاسی انتقام لے رہا ہے، القادر ٹرسٹ کا کیس بھی نیب نے بنایا ہے، نیب سیاسی انتقام پر بانی پی ٹی آئی پر دوسرا کیس بنا رہا ہے۔

انہوں نے مزید کہا کہ بانی پی ٹی آئی کے خلاف 200 جھوٹے کیس بنائے گئے ہیں۔