کرم میں سکیورٹی فورسز کا آپریشن،7خوارج دہشتگردہلاک

ضلع کرم میں خوارج کی موجودگی کی انٹیلی جنس اطلاعات پر سکیورٹی فورسز کے آپریشن میں 7خوارج  دہشتگرد مارے گئے جبکہ 5زخمی ہو گئے۔

پاک فوج کے شعبہ تعلقات عامہ آئی ایس پی آر کے مطابق سکیورٹی فورسز نے خوارج کا خفیہ ٹھکانہ بھی تباہ کر دیا،خفیہ ٹھکانے سے اسلحہ و دھماکہ خیز مواد کی بڑی تعداد برآمدہوئی، آئی ایس پی آر کے مطابق ہلاک کئے گئے خوارج سکیورٹی فورسزاور بے گناہ شہریوں پر حملوں میں ملوث تھے۔

آئی ایس پی آر کے مطابق علاقے میں سکیورٹی فورسز کا سینیٹائزیشن آپریشن جاری ہے،سکیورٹی فورسز پاکستان سے دہشت گردی کے خاتمے کیلئے پرعزم ہے۔