زیتون پیوندکاری کے بعد ملحوظ رکھنے کے لائق اہم امور

ڈاکٹر اظہر اقبال صاحب ، ڈاکٹر رمضان انصر صاحب اور جمیل الرحمٰن عباسی

4
قلم پر چڑھا شاپر یکبارگی اتارنے یا پھاڑنے سے قلم کے مر جانے کا شدید خطرہ ہوتا ہے ۔ پچھلے سال ہمارے کچھ دوست اس میں نقصان اٹھا چکے ہیں۔ تدریج کا خیال رکھیں جو ایک فطری اصول ہے ۔
5
جب قلم پر پھوٹ واضح انداز میں ظاہر ہو جائے اور آٹھ دس پتے پورے پورے نکل آئیں تو عصر یا ظہر کے وقت یعنی جب دھوپ ڈھل کر درخت پر سایہ ہو چکا ہو تو شاپر میں میخ کے برابر ایک سوراخ کر دیا جائے۔

6
چند دن کے وقفے کے بعد اس سوراخ کو دو انگل کے برابر کھلا کر دیا جائے اور مزید چند دن کے بعد اوپر کی طرف قینچی سے بڑے بڑے کٹ لگا دیے جائیں اب انشا اللہ قلم اپنا راستہ بنا لے گی ۔
7
ایک شاپر میں تین یا چار قلمیں لگانا ماہرین کی رائے اور بارانی زرعی یونیورسٹی چکوال کے نمونے کے عین مطابق ہے ۔ اگر صورت یہ ہو کہ ایک قلم پھوٹ چکی ہے لیکن باقی نہیں پھوٹیں تب آپ قلم کے پتوں کو دیکھیں گے اگر گرمی کی شدت سے قلم کے نکلنے والے پتے کالے ہو رہے ہیں تو پھر آپ سوراخ کے بارے میں مندرجہ بالا لائحہ عمل اختیار کریں ورنہ مزید انتظار کریں ۔
8

جب سب شاپر کھل گئے تو چند مہینوں کے بعد قلم کے سے نیچے نیچے نکل آنے والی کہو کی شاخوں کی چھانٹی کرنا ہے یہ آپ کی قلموں کی افزائش کے لیے ضروری ہے ۔

اس کے لیے ہارڈ ویئر کی دکان سے پروننگ کٹر خرید کر رکھیں ۔

9
بندے نے جو بھی کام کیا وہ بارانی زرعی یونیورسٹی چکوال کے ماہرین زیتون کی ہدایات کی روشنی میں کیا۔ ان کی اصطلاح میں اب آپ زیتون کے زمیندار بن چکے ہیں ۔ اگرچہ یہ ایک روزگار بھی ہے لیکن یہ اس چیز کے فروغ کی کوشش ہے کہ جس کا قرآن کریم میں سات بار ذکر آیا ۔ اور حدیث میں بھی اسے بابرکت قرار دیا گیا اور یقین کریں یہ منصوبہ ہمارے علاقے اور ملک کی معاشی تقدیر بدلنے کی صلاحیت رکھتا ہے

یہ علم میں رہے کہ پاکستان کو بین الاقوامی زیتون کونسل کا رکن تسلیم کر لیا گیا ہے یعنی یہ وہ ملک ہے جو زیتون کی پیداوار کی قدرتی صلاحیت رکھتا ہے ۔

پس ہمیں پورے اعتماد سے زیتون کی خدمت کو اپنی زندگی کا مشن بنانا چاہیے۔

دل کا اجڑنا سہل سہی بسنا سہل نہیں ظالم
۔۔۔ بستی بسانا سہل نہیں بستے بستے بستی ہے۔۔۔۔۔۔
شکوہ ظلمت شب سے تو کہیں بہتر تھا
اب حصے کی کوئی شمع جلاتے جاتے

۔۔۔۔۔
بندہ عاصی
جمیل الرحمٰن عباسی
03465414640
واٹس ایپ