نوازشریف کی امام مسجد نبویؐ سے ملاقات، باہمی امور پر تبادلہ خیال

میاں نواز شریف نے امام مسجد نبویؐ سے ملاقات میں باہمی دلچسپی کے امور پر تبادلہ خیال کیا، ڈاکٹر صلاح بن محمد البدیر نے پاکستان کی ترقی و خوشحالی اور امن سکون کی دعائیں بھی کیں۔

صدر ن لیگ میاں نوازشریف نے گفتگو کرتے ہوئے کہاکہ مسجد نبویؐ کے امام کی آمد ہمارے لئے اعزاز ہے۔

ڈاکٹر صلاح بن محمد البدیر نے پرتپاک استقبال اور شاندار میزبانی پرنواز شریف کا شکریہ ادا کیا،اس موقع پر سعودی سفیر نواف بن سعید المالکی، ڈپٹی وزیر اعظم اسحاق ڈار، احسن اقبال، رانا ثنااللہ، مجتبیٰ شجاع الرحمان، فیصل کھوکھر، میاں ناصر جنجوعہ، مولانا نعیم بٹ اور راشد نصراللہ بھی موجود تھے۔