نو مئی کہ مجرموں کو ڈھیل دینا خطرناک قرار

پاک فوج کے ترجمان لیفٹیننٹ جنرل احمد شریف چوہدری نے کہا ہے کہ نو مئی کے ملزمان ،سہولت کاروں اور منصوبہ سازوں کو ڈھیل دی گئی تو ملک میں فسطائیت پھیلے گی۔
پیر کے روز اپنی پریس کانفرنس میں انہوں نے کہا کہ نو مئی کے بعد انتشاری ٹولے نے یہ پروپیگنڈا کیا کہ فوج نے حملہ کرنے والوں کو روکا کیوں نہیں ،انہیں گولی کیوں نہیں ماری؟ اس کا مطلب ہے کہ انہوں نے خود انہیں راستہ دیا گیا. یہ بیانیہ منظم انداز میں چلایا گیا۔
فوجی ترجمان کا کہنا تھا کہ اگر کوئی شرپسند عناصر اس طرح حملہ آور ہوتے ہیں تو انہیں پہلے وارننگ دی جاتی ہے، پھر ہوائی فائرنگ کی جاتی ہے اگر پھر بھی انتشاری ٹولہ نہ رکے تو پھر اس کے ساتھ جو کرنا ہو وہ کیا جاتا ہے۔
پاک فوج کے ترجمان نے عدالتوں کی طرف اشارہ کرتے ہوئے کہا کہ نو مئی کرنے والوں، ان کے سہولت کاروں اور منصوبہ سازوں کو ڈھیل دیں گے تو ملک میں فسطائیت پھیلے گی۔