ہمیں جیل گیٹ سے اندر نہیں جانے دیا گیا، عمر ایوب

اپوزیشن لیڈر عمر ایوب کو اڈیالہ جیل کے گیٹ سے اندر نہیں جانے دیا گیا۔

اڈیالہ جیل راولپنڈی کے باہر میڈیا سے گفتگو میں عمر ایوب نے کہا کہ ہم رہائی کی روبکار لے کر آئے ہیں، ہمیں جیل کی گیٹ سے اندر نہیں جانے دیا گیا۔

انہوں نے کہا کہ ہم نے انتظامیہ سے درخواست کی کہ ہمیں جیل کی مسجد میں نماز ادا کرنے دی جائے۔

اپوزیشن لیڈر نے مزید کہا کہ ہم رہائی کی روبکار لے کر اڈیالہ جیل آئے تھے، جب تک باضابطہ آگاہ نہیں کیا جاتا کہ دونوں کو دوبارہ گرفتار کیا گیا ہے ہم یہاں سے نہیں جائیں گے۔