آج کے فیصلے کے بعد سب سے بڑا سوال پیدا ہوگیا ہے، عرفان صدیقی

مسلم لیگ (ن) کے سینیٹر عرفان صدیقی نے کہا ہے کہ سپریم کورٹ کے آج کے فیصلے کے بعد سب سے بڑا سوال پیدا ہوگیا ہے۔

ایک بیان میں سینیٹر عرفان صدیقی نے کہا کہ آج کے فیصلے یہ سوال پیدا ہوا کہ کیا قانون اور انصاف کے حوالے سے پاکستان کے تحریری آئین کی کوئی حیثیت و اہمیت باقی رہ گئی ہے؟

انہوں نے کہا کہ کیا نظریہ ضرورت یا نظریہ سہولت کے تحت آئین کی دو ٹوک شقوں اور اُس کے تحت اٹھائے گئے حلف کو نظر انداز کرکے ہی فیصلے دینے ہیں؟

ن لیگی سینیٹر نے مزید کہا کہ اگر فیصلے عوامی جذبات، عمومی قیاس اور پنچایتی انصاف کی بنیاد پر ہی ہونے ہیں تو آئین کو فارغ کردیا جائے۔

ان کا کہنا تھا کہ آئین پاکستان کو کم از کم پی ٹی آئی کی حد تک معطل کر دینے کا تحریری فیصلہ سنادیا جائے، جو عملاً آج سنادیا گیا ہے۔