دوحا میں افغانستان کے وفد کی پاکستانی حکام سے ملاقات

سفارتی ذرائع کے مطابق افغانستان اور پاکستان کے وفود میں سازگار ماحول میں مثبت ملاقات ہوئی ہے۔

افغان عبوری حکومت کے وفد نے دوحہ افغان کانفرنس میں افغان موقف کی حمایت پر پاکستان کا شکریہ ادا کیا اور پاکستانی حمایت کو عوامی سطح پر سراہا۔

پاکستانی سفیر محمد اعجاز کی قیام گاہ پر ہونے والی ملاقات میں پاکستانی وفد کی سربراہی نمائندہ خصوصی برائے افغانستان آصف درانی نے کی، جبکہ افغان وفد کی قیادت افغان عبوری حکومت کے ترجمان ذبیح اللّٰہ مجاہد نے کی۔