آزاد کشمیر الیکشن کمیشن نے 11 سیاسی جماعتوں کی رجسٹریشن منسوخ کردی
الیکشن کمیشن آزاد کشمیر نے مظفر آباد سے 11 سیاسی جماعتوں کی رجسٹریشن منسوخ کیے جانے کا اعلامیہ جاری کیا۔
اعلامیے کے مطابق سیاسی جماعتوں کی رجسٹریشن دستاویزات پورے نہ ہونے پر منسوخ کی۔
اعلامیے کے مطابق الیکشن کمیشن نے پاک سرزمین پارٹی، جموں و کشمیر یونائیٹڈ پارٹی، جموں و کشمیر عوامی تحریک کی رجسٹریشن منسوخ کی ہے۔
الیکشن کمیشن کے اعلامیے کے مطابق مشن کشمیر ٹاسک فورس، جموں و کشمیر عوامی اتحاد، پاک کشمیر پارٹی، تحریک تحفظ انسانی حقوق پارٹی اور عوامی مسلم لیگ آزاد کشمیر کی رجسٹریشن بھی منسوخ کی گئی ہے۔
اعلامیے کے مطابق عام آدمی پارٹی آزاد جموں و کشمیر، آل جموں و کشمیر جمعیت علماء اسلام اور اللّٰہ توکل پارٹی آزاد جموں و کشمیر کی رجسٹریشن بھی منسوخ کی گئی ہے۔
