خاور مانیکا تشدد کیس،مقدمے میں نامزد وکیل کو گرفتار کر لیا گیا

سابق خاتون اول بشریٰ بی بی  کے سابقہ شوہرخاور مانیکاتشدد کیس کےمقدمے  میں نامزد وکیل فتیح اللہ کو گرفتار کر لیا گیا۔

بانی پی ٹی آئی عمران خان  اور ان کی اہلیہ  بشریٰ بی بی کے خلاف غیر شرعی نکاح کیس (عدت کے دوران نکاح) کے مدعی  شوہر خاورمانیکا پر  تشدد کرنے والے وکیل فتیح اللہ کو طویل انتظار کے بعد  گرفتار کرلیا گیا،

وکیل فتیح اللہ کی آج درخواست ضمانت منسوخ ہو گئی تھی، جس  پر وکیل کہچری میں چھپ گیا تھا تاہم پولیس نے اب ان کو حراست میں لے لیا ہے۔

یاد رہے کہ وکیل فتیح اللہ پر رمنا پولیس سٹیشن میں انسداد دہشت گردی ایکٹ کے تحت مقدمہ درج ہے۔