”پنجاب کا پہلا انقلابی ایجوکیشن پروگرام ” شروع

وزیراعلی مریم نوازشریف نے پنجاب میں پہلا پبلک سیکٹر مونٹیسری پروگرام شروع کرنے کافیصلہ کیاہے-وزیراعلی نے سرکاری سکولوں کے ایک ہزار گراؤنڈ زکی 6ماہ میں تعمیر وبحالی کا ہدف مقرر کر دیا ہے-وزیراعلی مریم نوازشریف نے سرکاری سکولوں میں ہفتہ وار او رماہانہ ”مقابلے“شروع کرنے کا حکم دیا-راجن پور،لیہ، بھکر میں سی ایم پنجاب سکول نیوٹریشن پروگرام پائلٹ پراجیکٹ کا اگست سے آغاز ہوگا-وزیر اعلیٰ مریم نواز نے 14-ہزار اے ای اوز اور ایس ایس ای کی ریگولرلائزیش کا پلان طلب کرلیا -پنجاب بھر میں سہولیات اور ضروریات کا تعین کرنے کے لئے سکولوں کی جامع میپنگ کرنے کی ہدایت کی-گرین سکول پروگرام کے اجراء کا فیصلہ کیا گیا،وزیراعلی مریم نوازشریف نے منظوری دے دی –

ہر طالبعلم کم ازکم ایک پودا لگائے گا، ڈیجیٹل میپنگ کی جائے گی–

سرکاری سکولوں میں سپوکن انگلش اور کریکٹر بلڈنگ کلاسز شروع کرنے کی تجاویز کاجائزہ لیا گیا-وزیراعلی مریم نوازشریف نے پنجاب بھر میں 603نان فنکشنل سکولوں کی بحالی کی ہدایت کی -وزیراعلی مریم نوازشریف نے سکولوں کی مانیٹرنگ کے لئے ارکان صوبائی اسمبلی کوڈیوٹیاں تفویض کرنے کا حکم دیا ہے-اجلاس میں اساتذہ کے لئے ای ٹرانسفر آسان اور قابل عمل بنانے اورمیٹرک کی سطح پر ٹیکنالوجی کے 12کورسز متعارف کرانے کا جائزہ لیاگیا-کم لاگت میں کلاس روم، آئی ٹی لیب، ایس ایم سی کے ذریعے بنانا ممکن ہوگا-سکول مینجمنٹ کونسلز کو فعال اور موثر بنانے اور سرکاری سکولو ں میں ٹیچر میٹنگ، سہ ماہی سٹوڈنٹ رپورٹ کارڈ کے اجراء پر اتفاق کیاگیا-وزیراعلی مریم نوازشریف نے سکول سسٹم کی ری ویمپنگ کے لئے جامع سکول ایجوکیشن پالیسی تیار کرنے کی ہدایت کی-

"Punjab's First Revolutionary Education Program" approved,''پنجاب کا پہلا انقلابی ایجوکیشن پروگرام ''