سوات واقعے پر دوطرفہ مقدمات درج.حالات قابو میں ہیں.حکام

انہوں نے اس بات کی تردیدکی کہ سوات میں سیاحوں کو آنے کی اجازت نہیں یا انہیں روکاجارہا ہے ۔ انہوں نے بتایا کہ واقعے کے دوران پولیس نے سیاحوں کو روکے رکھاتھا تاکہ ان کو کسی قسم کا نقصان نہ پہنچے اور بعدازاں انہیں رخصت کردیا گیا ۔
پولیس حکام کے مطابق سیالکوٹ کے رہائشی 37 سالہ محمد سلیمان ولد قمر عزیزسکنہ محلہ پارک پورہ ،سیالکوٹ نے 18 جون کو مدین کے سکائی ویز ہوٹل میں کمرہ لیکر رہائش اختیار کرلی تھی ۔
اس کے قیام کے دوسرے روز ہی اس کی جانب سے توہین مذہب کے ارتکاب کی خبر علاقے میں جنگل کی آگ کی طرح پھیل گئی اور عوام کے ہجوم نے اسے گھیر لیا ۔
ایس ایچ او تھانہ مدین اسلام الحق کے مطابق اطلاع ملنے پر اس نے موقع پر پہنچ کر سلیمان کو ہجوم سے بچاکر تھانے منتقل کیا ۔
اس دوران لوگ  اعلانات سن کر تھانے پہنچے اورتھانے کا گھیراؤ کرلیا ۔اس دوران ہوائی فائرنگ اور پتھراؤکیا گیا۔ جس میں گیارہ مقامی افراد اورپانچ پولیس اہلکار زخمی ہوگئے ۔مشتعل افراد نے تھانے اور گاڑیوں کو آگ لگادی ۔ تھانے کے اندر ہی موجود سلیمان پر تشدد کیا اور بعدازاں سڑک پر گھیسٹ کر عین کالام روڈ پر اس کی لاش جلادی گئی ۔
پولیس کے مطابق مقتول کی جلائی جانے والی لاش کے کچھ باقیات کو پولیس نے قبضے میں لیکر ڈی این اے کے لئے لیبارٹری ارسال کردیا.
پولیس کی جانب سے نامزد سمیت سیکڑوں مشتعل افراد کے خلاف مقدمہ درج کرنے کے باوجود بھی کسی قسم کی کارروائی عمل میں نہیں لائی گئی ہے ۔
دوسری جانب مقامی افراد نے دھمکی دی ہے کہ اگرپولیس نے کسی قسم کی کارروائی کی تو وہ دوبارہ سڑکوں پرنکل کر احتجاج کریں گے ۔

Bilateral cases filed on Swat incident,سوات واقعے پر دوطرفہ مقدمات درج.حالات قابو میں ہیں.حکام