پنجاب حکومت نے متعدد ادارے بند کرنے کی تیاری کر لی

ری اسٹرکچرنگ کمیٹی کی کنوینئر سینئر وزیر مریم اورنگزیب ہوں گی، جبکہ صوبائی وزیر خزانہ مجتبیٰ شجاع الرحمٰن اور وزیرقانون بھی کمیٹی کے رکن مقرر کئے گئے ہیں۔اس حوالے سے جاری کردہ اعلامیے کے مطابق حکومت اور گورننس کے نظام میں تبدیلی کیلئے ایک ہی کام کرنے والے زائد اداروں کو ختم یہ باہم ضم کردیا جائے گا۔اس کے علاوہ وزارتوں کا حجم کم کرکے سرکاری امور کی انجام دہی میں آسانی پیدا کی جائے گی.اس ری اسٹرکچرنگ اور ڈاﺅن سائزنگ سے اربوں روپے کی بچت ہوگی اور حکومت کے سالانہ اخراجات میں بڑی کمی ہونے سے مالی گنجائش پیدا ہوگی۔وزیراعلیٰ پنجاب مریم نواز نے ری اسٹرکچرنگ کے منصوبے کی منظوری دے دی ہے۔

دریں اثناء وزیر اعلیٰ مریم نواز نے عیدالاضحیٰ کے بہترین انتظامات پر متعلقہ اداروں کو شاباش دیتے ہوئے کہا کہ مسلسل 72 گھنٹے جاری رہنے والے زیرو ویسٹ مشن کی کامیابی اشتراک کار کی بہترین مثال ہے۔شہروں اور بڑے دیہات میں صفائی کے عمل کو بہترین طریقہ سے سرانجام دیا گیا۔

مزید 100 پوائنٹس پروائی فائی سروس شروع

وزیراعلیٰ پنجاب نے کہا کہ ڈیجیٹل پنجاب ویژن کے تحت فری وائی فائی سروس مہیا کی جارہی ہے۔ ایمرجنسی میں فری وائی فائی کے ذریعے پولیس اوراہل خان خانہ رابطہ کیا جاسکتاہے.واضح رہے کہ وزیراعلی پنجاب مریم نواز شریف کی ہدایت پرلاہورفری وائی فائی سروس کے دائرہ کار میں توسیع کے تحت شہر کے مزید 100 پوائنٹس پروائی فائی سروس شروع کر دی گئی ہے.”سی ایم مریم نواز فری وائی فائی” کو 100 پوائنٹس سے بڑھا کر 200 پر ایکٹو کر دیا گیا ہے. مانگا منڈی،ملتان روڈ، بند روڈ،چوہنگ، شاہ پور کانجراں، سندر، ویلنشیا،مراکہ ودیگر علاقوں میں فری وائی فائی شروع کر دی گئی.

Punjab government all set to close down many institutions,پنجاب حکومت نے متعدد ادارے بند کرنےکی تیاری