راولپنڈی، گیس سلنڈر کی دکان پر دھماکا، 6افراد جھلس کر زخمی
راولپنڈی میں گیس سلنڈر کی دکان پر دھماکے کے نتیجے میں 6 افراد جھلس کر زخمی ہو گئے،جنہیں ہسپتال منتقل کر دیا گیا۔
واقعہ مصریال روڈ پر واقع گیس سلنڈر کی دکان پر پیش آیا،حادثے کی اطلاع ملتے ہی ریسکیو ٹیمیں جائے وقوعہ پر پہنچ گئیں
2 ریسکیو فائر ٹینڈرز اور 3 ایمرجنسی ایمبولینس نے آپریشن میں حصہ لیا
ریسکیو اہلکاروں نے تمام زخمیوں کو فوری ابتدائی طبی امداد دیتے ہوئے ہسپتال منتقل کر دیا
ابتدائی معلومات کے مطابق دھماکہ سلنڈر ری فلنگ کے دوران ہوا۔
