شیری رحمان نے ن لیگ کے ساتھ ناراضی کی تفصیلات بتادیں

نجی ٹی وی کے پروگرام میں بات کرتے ہوئے شیری رحمان نے کہا کہ پنجاب میں دوسرے اتحادیوں کی اسکیمیں بجٹ میں شامل کی گئی ہیں مگر پیپلز پارٹی کی نہیں۔

شیری رحمان نے کہا کہ ن لیگ کے ساتھ معاملات میں اب تک پیش رفت ہوجانی چاہیے تھی کیونکہ ہمارا اُن کے ساتھ اتحاد قائم کرتے وقت تحریری معاہدہ ہوا تھا، لیکن ن لیگ نے ہم سے مشاورت کرنے میں بہت دیر کردی۔

پی پی پی رہنما نے کہا کہ سیاست میں ٹائمنگ بہت اہم ہوتی ہے، پیش رفت ہورہی ہے مگر بہت دیر میں ہورہی ہے، ذاتیات کی سیاست نہیں کرتے، دشمنوں کو دوست بھی بنایا۔

شیری رحمان نے مزید کہا کہ پنجاب میں بھی ہمارے ارکان کو فنڈز نہیں دیے جا رہے ، ابھی بھی وقت ہے ڈائیلاگ کے ذریعے مسائل کو حل کیا جائے۔