بجٹ کے بعد کیا مہنگا کیا سستا ہوگا؟ تفصیلات سامنے آگئیں

موبائل فون مہنگے ہوں گے

نئے بجٹ میں موبائل فونز پر 18 فیصد کے اسٹینڈرڈ ٹیکس لگانے کی تجویز دی گئی ہے جبکہ کوئلہ کاغذ اور پلاسٹک اسکریپ سمیت تانبے اور کوئلے پر سیلز ٹیکس اور ود ہولڈنگ ٹیکس کا اطلاق ہوگا۔

جعلی سگریٹ بیچنے والوں کی شامت
وفاقی وزیر خزانہ نے اپنی بجٹ تقریر میں بتایا کہ جعلی سگریٹ بیچنے والے ریٹیلرز پر سخت سزائیں لاگو کی جائیں گی۔اور سزا کے طور پر دکانیں سیل کرنے کی تجویز دی گئی ہے۔
ان کا کہنا تھا کہ اس وقت سیمنٹ پر دو روپے فی کلو فیڈرل ایکسائز ڈیوٹی عائد ہے جسے بڑھا کر تین روپے فی کلو کیا جا رہا ہے۔

.

نئے پلاٹوں رہائشی اور کمرشل پراپرٹی پر پانچ فیصد ڈیوٹی عائد

پراپرٹی پر ٹیکسز کے حوالے سے ان کا کہنا تھا کہ نئے پلاٹوں ،رہائشی اور کمرشل پراپرٹی پر پانچ فیصد فیڈرل ایکسائز ڈیوٹی لگائی جا رہی ہے۔

ہائبرڈ گاڑیوں کی درآمد پر ڈیوٹی چھوٹ ختم

وزیر خزانہ نے بتایا کہ نئی ٹیکنالوجی کی بدولت ہائبرڈ اور عام گاڑیوں کی قیمتوں میں زیادہ فرق کی وجہ سے ہائبرڈ گاڑیوں کی درآمد پر کسٹم ڈیوٹی میں 2013 میں رعایت دی گئی تھی اس وقت چونکہ دونوں قسم کی گاڑیوں کی قیمتوں میں فرق کم ہو چکا ہے اور مقامی سطح پر بھی ہائبرڈ گاڑیاں تیار ہونے لگی ہیں اس لیے مقام صنعت کو فروغ دینے کے لیے یہ رعایت ختم کی جا رہی ہے۔

چینی اور پھل مہنگے ہوں گے

حکومت نے فنانس بل میں چینی کے تیار کو نندگان کے لیے 15 روپے فیڈرل ایکسائز ڈیوٹی لگانے کی تجویز دی ہے جس سے یقینی طور پر چینی مہنگی ہوگی جبکہ پھلوں اور خشک میوہ جات کی درامد پر دی گئی ٹیکس کی چھوٹ ختم کر دی گئی ہے۔اسی طرح گھریلو استعمال کی اشیاء کی درامد پر دی گئی چھوٹ پر بھی نظر ثانی کی گئی ہے۔

What will be expensive or cheap after the budget?بجٹ کے بعد کیا مہنگا کیا سستا ہوگا؟