سابق وفاقی وزیر اسد عمر کی طبیعت ناساز، ہسپتال منتقل

ریسکیو حکام کے مطابق کراچی میں طبیعت بگڑنے پر اسد عمر نے ریسکیو ایمبولینس 1122 سے رابطہ کیا، انہیں کمر کے درد کے باعث کلفٹن کے نجی ہسپتال پہنچا دیا گیا ہے۔

حکام نے بتایا ہے کہ سندھ ریسکیو ایمبولینس نے اسد عمر کو گھر سے ہسپتال پہنچایا۔

سابق وفاقی وزیر نے ریسکیو ایمبولینس سروس کی تعریف کی ویڈیو بھی شیئر کی ،ویڈیو میں اسد عمر کو کہتے سنا جا سکتا ہے کہ کراچی میں یہ سروس کسی نعمت سے کم نہیں ہے، یہ ایمبولینس اور اس کا عملہ بہت پروفیشنل اور تربیت یافتہ ہے۔