قید تنہائی کاالزام.حکومت نے عمران کے سیل کی تصاویر جمع کرا دیں

عدالت میں جمع کرائی گئی دستاویزات کے ساتھ عمران خان کی اڈیالہ جیل میں وکلا سے ملاقات کی تصاویر بھی شامل ہیں۔  حکام کے مطابق عمران خان کا قید تنہائی میں ہونے کا مؤقف بھی غلط ہے، ان سے ملاقات کرنے والوں کی فہرست بھی سپریم کورٹ میں جمع کرادی گئی ہے۔ حکومت کا کہنا ہے کہ عدالت مناسب سمجھے تو ان کے بیان کی حقیقت جانچنے کےلیے کمیشن بھی مقرر کرسکتی ہے۔

شواھد کے مطابق عمران خان کے کمرے میں ایئر کولر، ٹی وی، اسٹڈی ٹیبل، آفس کرسی، میٹریس رکھے ہیں جبکہ اُنھیں ڈرائی فروٹس، چنے بادام، کولڈڈرنکس، چاکلیٹس اور کتابیں بھی دی گئی ہیں.

اس کے علاوہ بانی پی ٹی آئی کو جیل میں کتابیں، ایئرکولر اور ٹی وی سمیت تمام ضروری سہولیات فراہم کی گئی ہیں۔ حکومت کی جانب سے عدالت میں جمع کرائیں گئی تصاویر میں دیکھا جاسکتا ہےکہ عمران خان کے کمرے میں ایئر کولر، ایل ای ڈی، اسٹڈی ٹیبل، آفس کرسی اور میٹریس کی سہولت موجود ہے جب کہ انہیں ورزش کی مشین بھی فراہم کی گئی ہے۔

اس کے علاوہ بانی پی ٹی آئی کے سیل کے باہر ایک راہداری ہے جہاں انہیں واک کرنے کی سہولت میسر ہے جب کہ ان کے پاس ڈرائی فروٹس، چنے، بادام، کولڈڈرنکس، چاکلیٹ اور کتابیں بھی موجود ہیں۔