شیخوپورہ میں آندھی کے باعث سائن بورڈ گرنے سے شہری جاں بحق

شیخوپورہ میں آندھی کے باعث بڑے سائز کا سائن بورڈ گرگیا جس کی زد میں آکر شہری جاں بحق ہوگیا۔

ریسکیو حکام کے مطابق جی ٹی روڈ پر رانا ٹاؤن کے قریب آندھی کے باعث بورڈ سڑک پر کھڑے ایک شخص پر آگرا۔

واقعے میں شہری بری طرح زخمی ہوا اور بعد میں زخموں کی تاب نہ لا کرچل بسا۔ حادثے کی سی سی ٹی وی فوٹیج وائرل ہو گئی۔

اس کے علاوہ  ڈیرہ بوڑھ والا بھکھی میں کاشتکار بشیر احمد کھیتوں میں کام کرنے کے دوران آسمانی بجلی گرنے سے جاں بحق ہو گیا۔