بشکیک سے 30 پاکستانی طلبہ وطن واپس پہنچ گئے

بشکیک سے پاکستانی طلبہ کو لے کر غیر ملکی پرواز لاہور  پہنچ گئی،  غیر ملکی ایئرلائنز کی پرواز 30 پاکستانی طلبہ کو لے کر پہنچی  ہے۔

وزیر داخلہ محسن نقوی طلبہ کے استقبال کے لیے ایئرپورٹ پر موجود تھے، طلبہ کے اہلخانہ بھی لاہور ایئرپورٹ پہنچنا شروع ہوگئے۔

کرغزستان کے دارالحکومت بشکیک میں مقامی طلبہ کے گروہوں نے پاکستانیوں سمیت غیر ملکی طلبہ پر حملے کیے، جس میں کئی طالب علم زخمی ہوئے تھے۔

وزیر اعظم کی ہدایت پر امیر مقام بشکیک روانہ ہوں گے، کرغزستان سے ایک اور پرواز کل پاکستانی طلبا کو لے پاکستان پہنچے گی، پاکستانی طلبا کی واپسی کے لیے 1 ہفتے تک بشکیک سے روز ایک پرواز پاکستان پہنچے گی۔