مری ہسپتال پراجیکٹ. خزانے کو  4ارب روپے نقصان پہنچانے پر وزیراعلی مریم برہم

وزیراعلی مریم نواز نے کہاکہ سابق دور حکومت میں عوام کو صحت کی سہولیات پہنچانے میں رکاوٹ ڈالنا انتہائی تکلیف دہ اور افسوس ناک ہے۔ عوام کے روپے پیسے کی حفاظت ہمارا فرض ہے، نقصان پہنچانے کی اجازت نہیں دے سکتے۔ ہر ڈسٹرکٹ میں عوام کیلئے سٹیٹ آف دی آرٹ ہیلتھ فیسلیٹی بنانا چاہتے ہیں۔عام آدمی کو علاج کی اعلی ترین سہولتیں دینگے-اٹک، لیہ میانوالی،وہاڑی بھکر اور جہلم میں پبلک پرائیویٹ پارٹنر شپ سے میڈیکل کالج کے قیام کی تجویز کاجائزہ لیاگیا-

اجلاس میں ہسپتالوں کی تعمیر وبحالی،کلینک آن وہیل،فری میڈیسن اور دیگر امور پر تفصیلی بریفنگ دی گئی اور ہیلتھ ریفارمز او ردیگر اقدامات کاجائزہ لیاگیا-اجلاس میں اٹک، لیہ میانوالی،وہاڑی بھکر اور جہلم میں پبلک پرائیویٹ پارٹنر شپ سے میڈیکل کالج کے قیام کی تجویز کاجائزہ لیاگیا- 2500 بی ایچ یو اور 300 آر ایچ سی کی اپ گریڈیشن پراجیکٹ کی جلد تکمیل کا حکم دیا-وزیراعلی مریم نوازشریف نے مری میں نئے ہسپتال کے قیام کے لئے فوری اقدامات کی ہدایت کی-

وزیر اعلیٰ مریم نوازنے جہلم، اٹک، میانوالی، مری ساہیوال،سیالکوٹ میں انجیو گرافی مشین مہیاء کرنے کی ہدایت کی-سینیٹر پرویز رشید،سینئر صوبائی وزیر مریم اورنگزیب،وزیر اطلاعات عظمیٰ زاہد بخاری، صوبائی وزیر سپیشلائزڈ ہیلتھ کیئر اینڈ میڈیکل ایجوکیشن خواجہ سلمان رفیق، سیکرٹری پرائمری اینڈ سیکنڈری ہیلتھ خواجہ عمران نذیر، ایم پی اے ثانیہ عاشق، چیف سیکرٹری اور دیگرحکام بھی موجود تھے-