بہارہ کہو ، نجی ہسپتال میں مریض کی موت پر مقامی افراد کا احتجاج

مین مری روڈ بہارہ کہو میں واقع القاسم میڈیکل کمپلیکس میں ڈاکٹروں کی غفلت اور غلط انجکشن لگانے کی وجہ سے حاملہ خاتون کی طبعیت اچانک بگڑ گئی اور بعدازاں دم توڑ گئیں۔ متوفیہ کے ورثاء نے شدید احتجاج کرتے ہوئے مری روڈ بلاک کر دیا۔ واقعہ 7 مئی 2024ء بروز منگل کو پیش آیا۔ واقعہ کی اطلاع پر پولیس اور ضلعی انتظامیہ موقع پر پہنچ گئی۔ ہسپتال کو سیل کر دیا گیا۔ 30 سالہ خاتون خنسہ بی بی زوجہ افضال کو ایوبیہ مری سے ہسپتال لایا گیا تھا۔ جہاں غلط انجکشن لگانے کی وجہ سے وہ دم توڑ گئیں۔ خاتون کے رشتہ داروں نے اور اہل علاقہ نے احتجاج کرتے ہوئے مری روڈ بند کر دیا ہے۔ القاسم میڈیکل کمپلیکس کو مجسٹریٹ عمران نے سیل کر دیا ہے۔