ترک لینڈ فورسز کے کمانڈر جنرل کا جوائنٹ اسٹاف ہیڈ کوارٹرز کا دورہ

ترک لینڈ فورسز کے کمانڈر جنرل سیلکوک بیرکتار اوغلو نے پیر کو جوائنٹ اسٹاف ہیڈ کوارٹرز کا دورہ کیا۔

آئی ایس پی آر کے مطابق چیئرمین جوائنٹ چیفس آف اسٹاف کمیٹی جنرل ساحر شمشاد مرزا سے ترک لینڈ فورسز کے کمانڈر جنرل نے ملاقات کی۔

آئی ایس پی آر کے مطابق ملاقات میں علاقائی امور، دوطرفہ فوجی مصروفیات، تعاون اور دائرہ کار بڑھانے پر گفتگو کی گئی۔

معزز مہمان نے پاکستان کی مسلح افواج کی اعلیٰ پیشہ ورانہ مہارت کو سراہا۔

آئی ایس پی آر کے مطابق معزز مہمان نے دہشتگردی کے خلاف جنگ میں پاکستانی مسلح افواج کی قربانیوں کا اعتراف کیا۔

آئی ایس پی آر کے مطابق جوائنٹ اسٹاف ہیڈ کوارٹر آمد پر تینوں مسلح افواج کے چاق و چوبند دستے نے معزز مہمان کو گارڈ آف آنر پیش کیا۔