آرمی چیف سے ترک چیف آف جنرل اسٹاف کی ملاقات

ترک جنرل نے جی ایچ کیو میں یادگار شہداء پر پھولوں کی چادر چڑھائی، پاک فوج کے دستے نے ترک فوج کے سربراہ کو گارڈ آف آنر پیش کیا۔

آرمی چیف اور ترکیہ کے چیف آف جنرل اسٹاف جنرل متین گیوراک کی ملاقات میں باہمی دلچسپی، دفاعی، تربیت اور علاقائی امن و استحکام کو فروغ دینے سے متعلق بات چیت کی گئی۔

آئی ایس پی آر کے مطابق ملاقات میں دونوں اطراف نے اپنی اقوام کے درمیان مضبوط تعلقات کو تسلیم کیا، ملاقات میں دونوں اطراف کا دفاعی تعاون کو مزید وسعت دینے کے عزم کا اظہار کیا گیا۔

جنرل متین گیوراک نے علاقائی امن و استحکام کیلئے پاکستان کی کوششوں کو سراہا، جنرل متین گیوراک نے دہشت گردی سے نمٹنے میں پاک فوج کے کردار کو بھی سراہا۔