شاہ نورانی جانے والے ٹرک کھائی میں گرنے سے 17 جاں بحق

وزیراعلی سرفراز بگٹی نے کمشنر قلات اور ڈپٹی کمشنر حب کو شدید زخمیوں کی کراچی منتقلی اور سندھ حکومت سے رابطے کی ہدایت بھی کی۔

جاں بحق ہونے والوں کی میتیں کراچی میں سہراب گوٹھ کے ایدھی سردخانے منتقل کر دی گئی، 35 زخمیوں کو علاج کے لیے سول اسپتال کراچی منتقل کیا گیا ہے، دیگر زخمی حب کے سول اسپتال میں زیر علاج ہیں، ریسکیو ذرائع کے مطابق 38 زخمیوں کی شناخت کی جا چکی ہے۔

پولیس کے مطابق زائرین کا تعلق ٹھٹھہ سے ہے، جو شاہ نورانی جا رہے تھے، گاڑی مکلی سے عید کے دن دو بجے دوپہر نکلی اور آٹھ بجے حادثے کا شکار ہو گئی۔
وزیر داخلہ نے حب کے قریب زائرین کی گاڑی کھائی میں گرنے کے واقعے پر اظہار افسوس کیا ہے۔

ایک بیان میں وزیر داخلہ محسن نقوی نے واقعے میں جاں بحق افراد کے لواحقین سے اظہار ہمدردی و تعزیت کیا ہے۔
محسن نقوی کا کہنا ہے کہ ٹریفک حادثے میں جانی نقصان پر دلی دکھ ہوا ہے۔