نو منتخب چیئرمین سینٹ یوسف رضا گیلانی کی بلاول بھٹو سے ملاقات

نو منتخب چیئرمین سینٹ سید یوسف رضا گیلانی پاکستان پیپلز پارٹی کے چیئرمین بلاول بھٹو زرداری سے ملاقات کے لیے زرداری ہاؤس اسلام آباد پہنچ گئے۔
اس موقع پر چیئرمین پاکستان پیپلز پارٹی نے سید یوسف رضا گیلانی کو سینٹ کا بلا مقابلہ چیئرمین منتخب ہونے پر مبارکباد پیش کی۔
نو منتخب چیئرمین سینٹ میں پارٹی قیادت کی جانب سے اعتماد کرنے پر چیئرمین بلاول بھٹو زرداری کا شکریہ ادا کیا۔
واضح رہے کہ بلاول بھٹو نے یوسف رضا گیلانی کے بطور چیئرمین سینٹ انتخاب میں اہم کردار ادا کیا ہے جبکہ ذرائع کا کہنا ہے کہ صدرآصف علی زرداری سابق وزیراعظم انوار الحق کاکڑ کو چیئرمین سینٹ منتخب کرانے میں تعاون پر آمادہ ہو گئے تھے تاہم وہ بلاول بھٹو کو اس پر قائل کرنے میں کامیاب نہیں ہو سکے.