تربت میں دہشتگردانہ حملے میں شہید ہونے والے سپاہی کی نماز جنازہ ادا

شہیدکی نمازجنازہ ہیڈکوارٹرتربت میں ادا کی گئی۔ نمازجنازہ میں سینئرافسران اورفوجی جوانوں نےشرکت کی۔

آئی ایس پی آر کے مطابق شہید کو مکمل فوجی اعزاز کے ساتھ آبائی علاقے میں سپرد خاک کیا جائے گا۔ شہید کی نماز جنازہ میں پاک فوج کے سینئر افسران اورجوانوں نے شرکت کی۔

سپاہی نعمان فرید شہید کی عمر 24 سال تھی جو مظفر گڑھ کے رہائشی تھے، سپاہی نعمان فرید شہید نے 2 سال سے زائد عرصہ ملک کے دفاع کی زمہ داریاں سر انجام دیں، شہیدنے سوگواران میں اہلیہ ،بیٹی ، بہن بھائی اور والدین چھوڑے ہیں۔

آئی ایس پی آر کے مطابق ہمارے شہداءکی یہ قربانیاں دہشت گردی کیخلاف ہمارے عزم اور مادر وطن سے محبت کو تقویت دیتی ہیں۔

واضح رہے کہ 25 اور 26 مارچ کی درمیانی شب تربت میں پاک بحریہ کی بیس، ”پی این ایس صدیق“ پر حملہ کرنے والے 4 دہشتگردوں کو مسلح افواج نے فوری اور بھرپور کارروائی کرتے ہوئے ہلاک کیا تھا آپریشن کے دوران ایک سپاہی بھی شہید ہوا تھا۔