پاک بحریہ کا کامیاب ریسکیو آپریشن ،8ایرانی ماہی گیربچا لئے

پاک بحریہ کے جہاز نے سمندر میں آتشزدگی کا شکار ہونے والی کشتی کی طرف سے ہنگامی کال کو بروقت مانیٹر کیا جس کے بعد  پاک بحریہ کے جہاز پی این ایس یرموک نے کھلے سمندر میں آتشزدگی کا شکار ایرانی کشتی کے 8 ماہی گیروں کو بچالیا

پی این ایس یرموک نے کال سنتے ہی انسانی ہمدردی کے تحت انتہائی سبک رفتاری سے موقع پر پہنچ کر کامیاب ریسکیو آپریشن کیا

پاک بحریہ کے جہاز نے تمام ماہی گیروں کو کامیابی سے ریسکیو کرنے کے ساتھ ساتھ بے قابو آگ کو بجھانے میں احسن کردار ادا کیا

آئی ایس پی آر کے مطابق بروقت اور کامیاب ریسکیو آپریشن پاک بحریہ کی سمندر میں ہر قسم کی صورت حال سے نمٹنے کا عملی نمونہ ہے اور پاک بحریہ کا انسانی ہمدردی کے تحت ریسکیو آپریشن سمندر میں انسانی زندگی کے تحفظ کو یقینی بنانے کے عزم کا غماز ہے

Successful operation of Pakistan Navy, 8 Iranian fishermen rescued ،پاک بحریہ کا کامیاب ریسکیو آپریشن،