صحرائے تھر میں رخصتی کا لوک گیت : ڈورو

بھارومل امرانی سوٹہڑ

تھرکے مشہور و مقبول لوک گیتوں میں ڈورو ایک قدیم لوک گیت ہے۔ تھری زباں میں ’ڈورو‘ دھاگے کو کہا جاتا ہے۔ اس لوک گیت میں لڑکی اپنی ماں سے کہتی ہے کہ اے میری ماں! میری جیجل ماں! محبت کے رشتے کا دھاگا خالص سونے جیسا ہے۔ تھر میں جب بیٹیاں ماں باپ کے گھر سے رخصت ہوتی ہیں تو یہ گیت گایا جاتا ہے، اور بیٹی کے آبائی گائوں چھوڑنے کا درد اس گیت میں محسوس کیا جا سکتا ہے۔ جب لڑکی اپنے میکے سے دور سسرال میں اس گیت کو سنتی ہے تو میکے والوں کی یاد میں اس کی آنکھوں سے آنسو برس پڑتے ہیں۔ لڑکی کی بدائی کے وقت جو سگھڑ عورتیں گیت گاتی ہیں ان کو ‘گیتار’ یا ‘گیتاریوں’ کہا جاتا ہے۔ تھر کے قصبوں میں میراثی صبح سویرے گھر کے آنگن میں ہارمونیم اور ڈھول کی تھاپ پر گاتے ہیں۔ ڈورو لوک گیت اپنے موضوع کے ساتھ درد بھری دھن سے ہر ایک کے دل کو چھو لیتا ہے۔ تھر میں رشتے اقدار و آداب کے حوالے سے عظیم ہوا کرتے تھے۔ لڑکی کسی کی بھی بیاہے لیکن رخصتی کے لمحے گاؤں کی ساری عورتیں اسے اپنی بیٹی سمجھ کر اس کے دروازے پر کھڑی ہو کر ڈورو گیت گاتی تھیں۔ رنگین پگڑی باندھے داماد گاؤں کے مردوں کے ساتھ پیدل چل کر گھروں سے دور جا کراونٹ پر چڑھتا تھا لیکن اب ایسے رسم و رواج کم ہوتے جا رہے ہیں۔

ڈورو لوک گیت کی مختلف روایتیں ملتی ہیں۔ ایک روایت میں ہے کہ:

ریت کے چھوٹے چھوٹے ٹیلوں پر دھامن گھاس ہوئی ہے، میری گایوں کے دودھ سے بھرےبڑے خوبصورت تھن(حوانہ) ہیں، میری جیجل ماں (محبت کے رشتے کا) دھاگا ساچے (خالص) سونے جیسا ہے۔
ماں نےمیرے بال سنوارے ہیں، ہم جولیوں نےمیری خوبصورت مانگ نکالی ہے۔ میری جیجل ماں (محبت کے رشتے کا) دھاگا ساچے (خالص) سونے جیسا ہے۔
میرے بھائی نے اونٹ تیار کیا ہے، بابا نے اجازت دی ہے، میری جیجل ماں ( محبت کے رشتے کا) دھاگا ساچے (خالص) سونے جیسا ہے۔
ٹیلے ٹیلے پر میری ہم جولیاں ساتھ ہیں۔ اے میری جیجل ماں (محبت کے رشتے کا) دھاگا ساچے (خالص) سونے جیسا ہے۔
اے میری ماں! تو مت رونا، مجھے میری قسمت لے گئی ہے ۔ میری جیجل ماں ( محبت کے رشتے کا) دھاگا ساچے (خالص) سونے جیسا ہے۔
ریت کے ٹیلے سے اترتے ہوئے مڑ کر دیکھا میرا آبائی گائوں دور رہ گیا ہے۔ میری جیجل ماں! (محبت کے رشتے کا) دھاگا ساچے (خالص) سونے جیسا ہے۔
اے میری ماں! مجھ سے ملنے کے لیے میرے بھائی کو جلد بھیجنا۔ میری جیجل ماں ( محبت کے رشتے کا) دھاگا ساچے (خالص) سونے جیسا ہے۔

گیت کے بول :
(۱ )

دھوریئے دھوریئے دھامنیو، گڈڑا مانرے گانوڑیاں را اوس رے،
مانری جیجل ما؛! ڈورو ساچے ہیم رو ۔۔۔۔۔۔۔۔
ماتاڑی گونتھیو ماتھیو، سائینیاں چتریوڑی سرنگی سیندھ رے،
مانری جیجل ما؛! ڈورو ساچے ہیم رو ۔۔۔۔۔۔۔۔

بیرے جی پلانیو کرہلیو، بابے جی ڈنی سیکھ رے،
مانری جیجل ما؛! ڈورو ساچے ہیم رو ۔۔۔۔۔۔۔۔

دھوریئے دھوریئے ڈھوڑیئے ساتھنیاں رو ساتھ رے،
مانری جیجل ما؛! ڈورو ساچے ہیم رو ۔۔۔۔۔۔۔۔

ہوے متے روئے جیجل ما؛ لکھیو لے گیو لیکھ رے،
مانری جیجل ما؛! ڈورو ساچے ہیم رو ۔۔۔۔۔۔۔۔

دھوریئے ڈھڑتی پاچھلڑی پھوری، ما؛ ڈاڈانو رہے گیو ڈور رے
مانری جیجل ما؛! ڈورو ساچے ہیم رو ۔۔۔۔۔۔۔۔

مانرو بیرو جی ماتا ڑی مناں چھیکو مڑوا میہلے رے
مانری جیجل ما؛! ڈورو ساچے ہیم رو ۔۔۔۔۔۔۔۔

ترجمہ:
ٹیلے ٹیلے دھامن ہوئی ہے، بھرے ہوئے میری گایوں کے تھن رے،
جیجل ماں دھاگا ساچے سونے جیسا رے۔۔۔۔۔۔۔
ماں نےمیرے بال سنوارے، ہم جولیوں نے میری نکالی مانگ رے
میری جیجل ماں دھاگا ساچے سونے جیسا رے۔۔۔۔۔۔

بھائی نے اونٹ تیار کیا ہے، میرے بابا جی نے دی اجازت رے،
میری جیجل ماں دھاگا ساچے سونے جیسا رے۔۔۔۔۔۔ ۔

ٹیلے ٹیلے پر میری ہم جولیاں، کھڑی ہیں دیکھو ایک ساتھ رے۔
میری جیجل ماں دھاگا ساچے سونے جیسا رے۔۔۔۔۔۔۔۔۔۔۔۔

تومت رونا میری جیجل ماں، مجھے لے گئی میری قسمت رے ۔
میری جیجل ماں دھاگا ساچے سونے جیسا رے۔۔۔۔۔۔۔۔۔۔۔۔

ٹیلے سے اترتے ہوئے مڑ کر دیکھا دوررہ گیا آبائی گائوں رے
میری جیجل ماں دھاگا ساچے سونے جیسا رے۔۔۔۔۔۔۔۔۔۔۔

مجھ سے ملنے کے لیے میری ماں تو بھائی کو جلد بھیجنا رے،
میری جیجل ماں دھاگا ساچے سونے جیسا رے۔۔۔۔۔۔۔۔۔۔۔۔۔۔۔

(۲)
تھر کے گاؤں کی شادی میں دلہن کی رخصتی کے دوران دلہن کی سہیلیاں اور عزیزعورتیں ڈورو لوک گیت کے یہ بول روایتی طور پر گانے کے بعد واپس گھر جاتی ہیں۔

گیت کے بول :
دریا رے کپ ریں ماں پابنیں،
گھوری ڈھورانے ری کپ را جھاڑ، ڈورو۔۔۔۔۔۔
ڈورو ساچے ہیم رو ۔۔۔۔۔،

بیجیں ماں سرتیں رہیں اوڈڑیں،
ماں مانھنجی دھیل بائی رہیو ڑی ڈور، ڈورو۔۔۔۔۔۔۔
ڈورو ساچے ہیم رو ۔۔۔۔۔،

کیھی جی رو جایل موریو
کیھی جی ری جایل ڈھیل، ڈورو۔۔۔۔۔۔۔
ڈورو ساچے ہیم رو ۔۔۔۔۔،

فلانے جی رو جایل موریو
فلاجے جی ری جایل ڈھیل، ڈورو۔۔۔۔۔۔۔
ڈورو ساچے ہیم رو ۔۔۔۔۔،

پگ تاں جھبوکے پولری
ہینئڑے جھبوکے ہار، ڈورو۔۔۔۔۔۔۔
ڈورو ساچے ہیم رو ۔۔۔۔۔،

ھجاراں ہتھاں رو گھاگھرو
گھوری سورہن سریو ہار، ڈورو۔۔۔۔۔۔۔
ڈورو ساچے ہیم رو ۔۔۔۔۔،

چڑہتی تاں ٹوڑیو گھاگھرو
اترتی ٹوڑیو نو سر ہار، ڈورو۔۔۔۔۔۔۔
ڈورو ساچے ہیم رو ۔۔۔۔۔،

بیرے جی جھلیو ڈیولو
بھابھل پرویو نو سر ہار، ڈورو۔۔۔۔۔۔۔
ڈورو ساچے ہیم رو ۔۔۔۔۔،

دھوریئے ڈھڑتی پاچھلڑی پھوری
ڈاڈانو رہے گیو ڈور ، ڈورو۔۔۔۔۔۔۔
ڈورو ساچے ہیم رو ۔۔۔۔۔،

اونڈیں تو کھویں کھیونیں ،
جھرمر برسیں میگھ ، ڈورو۔۔۔۔۔۔۔
ڈورو ساچے ہیم رو ۔۔۔۔۔،

بھریا ماں ٹوبھا ٹوبھڑیں،
بھریو مانرے ڈاڈانے رو دیس، ڈورو۔۔۔۔۔۔۔
ڈورو ساچے ہیم رو ۔۔۔۔۔،

بھینو ماں جوائی جی رو موڑیھو
بھینو بائی رو نو سر ہار، ڈورو۔۔۔۔۔۔۔
ڈورو ساچے ہیم رو ۔۔۔۔۔،

ماں بھورایو آنگنیو ماں
بھابھل بھورائی ریل ، ڈورو۔۔۔۔۔۔۔
ڈورو ساچے ہیم رو ۔۔۔۔۔،
سرتیئے بھورائی سیمڑی،
ماں مانہنجی بیرئیو ٹھیٹھا ٹھیٹھ ، ڈورو۔۔۔۔۔۔۔
ڈورو ساچے ہیم رو ۔۔۔۔۔،

دھوریئے چڑہتی میں جویوڑو
ابانو رہے گیو ڈور ، ڈورو۔۔۔۔۔۔۔
ڈورو ساچے ہیم رو ۔۔۔۔۔،

چوڈس پونم چاندنی ماں
مانہنجی دھیئا بائی رمن میلھ، ڈورو۔۔۔۔۔۔۔
ڈورو ساچے ہیم رو ۔۔۔۔۔،

بیجیں تان کلے رہیں نیڑکیں،
دھیئا بائی رہی ڈور ، ڈورو۔۔۔۔۔۔۔
ڈورو ساچے ہیم رو ۔۔۔۔۔،

اونڈو کسے بیرا گاسیڑو
دھیلی چھڈے کرہیل ری مھار ، ڈورو۔۔۔۔۔۔۔
ڈورو ساچے ہیم رو ۔۔۔۔۔،

جمنے ہاتھ کرہئے ری مہار،
ڈاوئے ہاتھ کرہئے ری مہار، ڈورو۔۔۔۔۔۔۔
ڈورو ساچے ہیم رو ۔۔۔۔۔،

ترجمہ :
گیت 2
دریا کنارے کی پبن بیلڑیاں،
واری جاؤں ڈھورے کنارے کے درختوں پر ۔۔۔۔، دھاگا۔۔۔۔۔۔
میری جیجل ماں دھاگا خالص سونے جیسا رے۔……

دوسری سہلیاں تو ماں ! رہتی ہیں قریب،
میری بیٹی ہے ماں ! بہت ہی دور۔۔۔۔، دھاگا۔۔۔۔۔۔
میری جیجل ماں! دھاگا خالص سونے جیسا رے۔…..

کس کا جنم دیا ہوا مورجیسا بیٹا،
کس کی جنم دی ہوئی مورنی جیسی بیٹی ۔۔۔۔، دھاگا۔۔۔۔۔۔
میری جیجل ماں ! دھاگا خالص سونے جیسا رے…….۔

فلانے جی کا جنم دیا ہوا مورجیسا بیٹا،
فلانے جی کی جنم دی ہوئی مورنی جیسی بیٹی ۔۔۔۔، دھاگا۔۔۔۔۔۔
میری جیجل ماں! دھاگا خالص سونے جیسا رے…..

پاؤں میں چمکے پولری
سینے پرچمکے ہار۔۔۔۔ دھاگا۔۔۔۔۔۔
میری جیجل ماں! دھاگا خالص سونے جیسا رے۔……

ہزاروں ہاتھوں کا گھاگھرا،
وار دوں سولہ سروں کا ہار ۔۔۔۔ دھاگا۔۔۔۔۔۔
میری جیجل ماں دھاگا خالص سونے جیسا رے۔…..

چڑھتے ہوئے توڑا گھاگھرا،
اترتے ہوئے توڑا نو سروں والا ہار ۔۔۔۔ دھاگا۔۔۔۔۔۔
میری جیجل ماں دھاگا خالص سونے جیسا رے۔….

بھائی نے ہاتھ میں تھاما دیا،
بھاوج نے جوڑا ٹوٹا ہوا نو سروں کا ہار، ۔۔۔۔، دھاگا۔۔۔۔۔۔
میری جیجل ماں ! دھاگا خالص سونے جیسا رے۔۔۔۔۔۔

ٹیلے سے اترتے ہوئے پیچھے مڑ کر دیکھا،
آباؤ اجداد کا وطن ہوتا جا رہا ہے دور ۔۔۔۔، دھاگا۔۔۔۔۔۔
میری جیجل ماں ! دھاگا خالص سونے جیسا رے۔۔۔

دوربہت دور چمک رہی ہے آسمانی بجلی،
رم جھم برس رہی ہیں بارشیں ۔۔۔۔، دھاگا۔۔۔۔۔۔
میری جیجل ماں! دھاگا خالص سونے جیسا رے۔۔۔۔۔۔

اے میری ماں ٹوبھے تالاب لبالب بھر گئے ہیں
میرے آباؤ اجداد کا دیس جل تھل ہو گیا ہے۔ ۔۔۔۔، دھاگا۔۔۔۔۔۔
میری جیجل ماں! دھاگا خالص سونے جیسا رے۔۔۔۔۔۔

میری ماں تیرے داماد کی پگڑی بھیگ گئی ہے،
تمہاری بیٹی کا ہار بھی بھیگ گیا ہے ۔ ۔۔۔۔ دھاگا۔۔۔۔۔۔
میری جیجل ماں! دھاگا خالص سونے جیسا رے۔۔۔۔۔۔۔

ماں نے مجھے گھر کے صحن میں الوداع کیا،
بھاوج گاؤں کی ریل تک آئی ۔۔۔۔ دھاگا۔۔۔۔۔۔
میری جیجل ماں! دھاگا خالص سونے جیسا رے۔۔۔۔۔۔۔۔۔۔۔

سہلیاں مجھے گاؤں کے جنگل تک رخصت کرنے آئیں،
ماں ! بھائی تو میرے شوہر کے گھر تک آیا۔۔۔۔ دھاگا۔۔۔۔۔۔
میری جیجل ماں ! دھاگا خالص سونے جیسا رے۔۔۔۔۔۔۔۔۔

ریت کے ٹیلے پر چڑھ کر جو دیکھا ،
آباؤ اجداد کا دیس رہ گیا بہت دور ،۔۔۔۔ دھاگا۔۔۔۔۔۔
میری جیجل ماں ! دھاگا خالص سونے جیسا رے۔۔۔۔۔۔۔۔

میری ماں! چودھویں پندرھویں کی چاندنی ہے،
دیا بائی کو بھیجو تو سہیلیوں سے جا کر کھیلے ،۔۔۔۔، دھاگا۔۔۔۔۔۔
میری جیجل ماں ! دھاگا خالص سونے جیسا رے

خاندان کی اور لڑکیاں سب قریب ہیں
دیا بائی کا بیاہ کر دیا بہت دور ،۔۔۔۔، دھاگا۔۔۔۔۔۔
میری جیجل ماں! دھاگا خالص سونے جیسا رے۔۔۔۔

اونٹ پر مضبوظ باندھے بھائی گاسیو
اونٹ کی مہار آزاد چھوڑنا ،۔۔۔۔، دھاگا۔۔۔۔۔۔
میری جیجل ماں! دھاگا خالص سونے جیسا رے۔۔۔۔۔۔۔

دائیں ہاتھ میں تھامنا اونٹ کی مہار،
بائیں ہاتھ میں اونٹ کے ہانکنے کے لیے لکڑی رکھ ۔۔۔ دھاگا۔۔۔۔۔۔
میری جیجل ماں! دھاگا خالص سونے جیسا رے۔۔۔۔۔۔۔۔۔