اڈیالہ جیل سے بانی پی ٹی آئی نے خیبر پختونخوا کابینہ ارکان فائنل کردیے

بانی پاکستان تحریک انصاف (پی ٹی آئی) عمران خان نے اڈیالہ جیل سے خیبر پختونخوا کابینہ کے ارکان فائنل کردیے۔

ذرائع کے مطابق خیبر پختونخوا کی صوبائی کابینہ میں مشتاق غنی، تاج محمد ترند، عاقب اللّٰہ خان، فضل شکور اور ارشد ایوب شامل ہوں گے۔

ذرائع کے مطابق بانی پی ٹی آئی نے صوبائی کابینہ میں ڈاکٹر امجد، ریاض خان، فیصل ترکئی او مینا خان کے ناموں کی منظور ی دے دی ہے۔

ذرائع کے مطابق خیبر پختونخوا کابینہ میں 10 سے زائد وزراء اور 4 مشیروں کے ناموں کی منظوری دی گئی ہے۔

اڈیالہ جیل کے باہر میڈیا سے گفتگو میں وزیراعلیٰ علی امین گنڈاپور نے کہا تھا کہ بانی پی ٹی آئی سے خیبر پختونخوا کابینہ کی تشکیل پر مشاورت ہوگئی ہے۔

انہوں نے مزید کہا کہ بانی پی ٹی آئی خیبر پختونخوا میں ہمارے تمام لوگوں کی کارکردگی سے واقف ہیں۔

وزیراعلیٰ خیبر پختونخوا نے یہ بھی کہا کہ اتوار کو پشاور میں دھاندلی اور مخصوص نشستیں نہ دینے پر احتجاج کریں گے۔