جمعیت علماء اسلام کے سربراہ مولانا فضل الرحمان کراچی پہنچ گئے

کراچی ایئرپورٹ پر مولانا راشد محمود سومرو سمیت دیگر جے یوآئی رہنماؤں نے ان کا استقبال کیا۔ اس موقع پر جے یوآئی کے مرکزی ترجمان محمد اسلم غوری ، ایاز محمد اور طارق خان بھی ان کے ہمراہ تھے۔ائیرپورٹ پر مولانا عبدالکریم عابد، قاری محمد عثمان ، مولانا محمد غیاث ، ڈاکٹر نصیر الدین سواتی، مولانا سمیع الحق سواتی، مولانا حماد اللہ شاہ، مولانا امین اللہ، شرف الدین اندھڑ، مولانا عبد القادر ودیگر بھی موجود تھے۔ ڈپٹی سیکریٹری اطلاعات جے یو آئی سمیع الحق سواتی کے مطابق مولانا فضل الرحمان تین روزہ دورے پر آج شام کراچی پہنچے ہین۔ مولانا فضل الرحمن آج اتوار کو کورنگی میں جے یو آئی سندھ اجلاس میں خصوصی شرکت کریں گے۔ مولانا فضل الرحمان جے یوآئی سندھ کے تمام اضلاع اور تحصیلوں کے ذمہ داران سے اہم خطاب کریں گے۔ جے یو آئی سندھ کے تمام اضلاع کے اراکین کا اہم اجلاس آج کورنگی میں ہوگا۔ جے یو آئی سندھ کے اجلاس کی تیاریاں مکمل کرلی گئیں۔جے یو آئی سندھ کے تمام اضلاع اور تحصیلوں کے ذمہ داران کراچی پہنچنا شروع ہوگئے ہیں۔ جے یو آئی سندھ کے اجلاس میں انتخابات میں دھاندلی کے حوالے سے اہم فیصلے ہوں گے۔ سمیع سواتی کے مطابق مولانا فضل الرحمان جے یوآئی سندھ کا ذمہ داران کو اہم ہدایات دیں گے۔ مولانا فضل الرحمان آج شام کو کورنگی میں پریس کانفرنس سے بھی خطاب کریں گے۔