1 ماہ کیلئے بجلی 7 روپے 13 پیسے فی یونٹ مہنگی کرنے کی درخواست

muhammad aamir 20 فروری, 2024 11:10 صبح 7 مناظر

نیشنل الیکٹرک پاور ریگولیٹری اتھارٹی (نیپرا) میں 1 ماہ کے لیے بجلی 7 روپے 13 پیسے فی یونٹ مہنگی کرنے کی درخواست دائر کی گئی ہے۔

یہ درخواست سینٹرل پاور پرچیزنگ ایجنسی نے نیپرا میں جمع کرا ئی ہے۔

نیپرا کے مطابق درخواست جنوری کی فیول پر ایڈجسٹمنٹ کی مد میں جمع کرائی گئی ہے۔

درخواست میں مؤقف اختیار کیا گیا ہے کہ جنوری میں بجلی کی تقسیم کار کمپنیوں کو 7 ارب 93 کروڑ یونٹ بجلی فروخت کی گئی۔

نیپرا اتھارٹی سے اس درخواست کی منظوری کی صورت میں صارفین پر 66 ارب 77 کروڑ روپے تک کا اضافی بوجھ پڑ سکتا ہے۔

نیپرا اس درخواست پر فیصلہ 23 فروری کو سماعت کے بعد کرے گی۔

نیپرا کےفیصلے کا اطلاق کے الیکٹرک کےصارفین پر نہیں ہو گا۔