مری، کوٹلی ستیاں اور گرد نواح میں شدید اور طوفانی بارش کے نتیجے میں بڑے پیمانے پر نقصانات کی اطلاعات موصول ہوئی ہیں۔
تیز آندھی اور طوفان کے نتیجے میں کئی مکانات کی چھتیں اڑ گئیں اور بعض گھر جزوی طور پر تباہ ہو گئے
۔طوفان باد و باراں کے باعث مری میں کئی جگہ پول گر گئے اور بجلی کی تاریں ٹوٹ گئیں جس سے بجلی کی سپلائی کا نظام درہم برہم ہو گیا۔
کئی مقامات پر سڑکوں پر درخت گر گئے جس کی وجہ سے ٹریفک کی آمد و رفت میں دشواری پیش آ رہی ہے۔
سیاحوں سے کہا گیا ہے کہ وہ احتیاط کریں۔بجلی کا نظام درہم برہم ہونے کی وجہ سے بعض علاقوں میں انٹرنیٹ سروس بھی متاثر ہوئی ہے جس کی وجہ سے نقصانات کا درست تخمینہ نہیں لگایا جاسکا۔
