خون کے آخری قطرے تک بانی پی ٹی آئی کے ساتھ کھڑے ہیں، علامہ ناصر عباس

muhammad aamir 13 فروری, 2024 8:22 شام 10 مناظر

مجلس وحدت مسلمین (ایم ڈبلیو ایم) کے سربراہ علامہ ناصر عباس نے کہا ہے کہ ہم خون کے آخری قطرے تک بانی پی ٹی آئی کے ساتھ کھڑے ہیں۔

نجی ٹی وی سے خصوصی گفتگو میں علامہ ناصر عباس نے کہا کہ ہم بانی پی ٹی آئی کے بیانیے کے ساتھ کھڑے ہیں، ہماری اُن کے ساتھ انڈراسٹینڈنگ ہے۔

انہوں نے مزید کہا کہ ہم ملک میں استحکام چاہتے ہیں، ہماری طرف سے پی ٹی آئی قیادت سے کوئی مطالبہ نہیں ہے۔

ایم ڈبلیو ایم کے سربراہ نے یہ بھی کہا کہ ہم ملک کو آگے لے کر جانے کی بات کرتے ہیں، ہم اصولی طور پر بانی پی ٹی آئی کے ساتھ ہیں۔

اُن کا کہنا تھا کہ الیکشن کمیشن آف پاکستان (ای سی پی) نے خود قانون بنایا کہ پی ٹی آئی کو دیوار سے لگایا جائے۔

علامہ ناصر عباس نے کہنا تھا کہ بانی پی ٹی آئی سے ملاقات میں کہا خون کے آخری قطرے تک اصولی طور پر آپ کے ساتھ ہیں۔

انہوں نے کہا کہ فارم 47 میں بے ایمانی کی گئی، کسی سیاسی جماعت سے انتخابی نشان نہ چھینا جائے، پی ٹی آئی کے جیتے ہوئے لوگوں کو کھینچا جا رہا ہے۔