مبینہ انتخابی دھاندلی، سندھ میں جے یو آئی کے دھرنے

muhammad aamir 11 فروری, 2024 2:41 شام 7 مناظر

مبینہ انتخابی دھاندلی کے معاملے پر جے یو آئی کی اپیل پر لاڑکانہ سکھر شاہراہ کو مظاہرین نے بلاک کردیا۔

لاڑکانہ میں گوٹھ سچے بخش جاگیرانی کے مقام پر بھی جے یو آئی کے کارکنان کا دھرنا جاری ہے۔

دوسری جانب میرپورخاص میں بھی مبینہ انتخابی دھاندلی پر جے یو آئی ف کا ٹول پلازہ پر دھرنا جاری ہے۔

دھرنے کے باعث میرپورخاص، حیدرآباد ہائی وے پر ٹریفک معطل ہے۔

مظاہرین کا کہنا ہے کہ الیکشن میں دھاندلی کر کے ہمارے امیدواروں کو ہرایا گیا۔

علاوہ ازیں بلوچستان کے حلقے پی بی 14 نصیرآباد ٹو میں پیپلز پارٹی کے احتجاج کو آج تیسرا روز ہے۔

نصیرآباد میں پٹ فیڈر کینال اور ڈی سی چوک پر دھرنے کے باعث سندھ بلوچستان قومی شاہراہ بند ہے۔

سندھ، بلوچستان، پنجاپ اور پشاور جانے والے مسافروں کو مشکلات کا سامنا ہے۔

دوسری جانب جمعیت علمائے اسلام نے انتخابات میں مبینہ دھاندلی پر سہراب گوٹھ پر جاری دھرنا ختم کردیا جبکہ حب ریور روڈ اور قائد آباد پر دھرنا جاری ہے۔