بلاول کی نواز شریف کو 8 فروری سے پہلے مناظرے کی دعوت

پاکستان پیپلز پارٹی (پی پی پی) کے چیئرمین بلاول بھٹو زرداری نے سابق وزیراعظم اور مسلم لیگ ن کے قائد نواز شریف کو مناظرے کی دعوت دے دی۔

سماجی رابطے کی ویب سائٹ ایکس پر جاری اپنے بیان میں بلاول بھٹو زرداری نے نواز شریف کو مناظرے کی دعوت دی ہے۔

بلاول بھٹو نے کہا کہ نواز شریف 8 فروری سے پہلے کسی بھی جگہ کسی بھی وقت مناظرہ کرلیں۔

انہوں نے کہا کہ عالمی سطح پر صدارتی اور وزارت عظمیٰ کے امیدوار ٹی وی پر مباحثوں میں حصہ لیتے ہیں۔

پی پی چیئرمین نے کہا کہ ان مباحثوں سے ووٹرز کو امیدواروں کے منصوبوں کے بارے میں علم ہو جاتا ہے۔