پنجاب میں 14بچے نمونیا کے باعث انتقال کر گئے

ان ہلاکتوں کے بعد رواں سال کے پہلے 24 دنوں میں صوبے میں نمونیا سے جاں بحق بچوں کی تعداد 208 ہوگئی جبکہ اس دوران نمونیا کے کیسز کی تعداد بھی بڑھ کر 10 ہزار 520 تک جا پہنچی ہے۔

محکمہ صحت پنجاب کے مطابق گزشتہ 24 گھنٹوں کے دوران صرف لاہور میں 197بچوں میں نمونیا کی تصدیق ہوئی، جبکہ اس دوران لاہور میں 2 بچے نمونیا کے باعث جان کی بازی ہار گئے۔

رواں سال کے پہلے 24 دنوں میں لاہور میں نمونیا سے متاثرہ بچوں کی تعداد ایک ہزار 570 ہوگئی ہے، اس دوران لاہور میں نمونیا سے47 بچے موت کے منہ میں جا چکے ہیں۔