نواز شریف مری پہنچ گئے۔ اہم سیاسی ملاقاتیں متوقع

نواز شریف کے ساتھ ان کے بھائی اور مسلم لیگ ن کے صدر شہباز شریف، مسلم لیگ ن کی چیف آرگنائزر مریم نواز اور سابق وزیر خزانہ اسحاق ڈار بھی مری پہنچے ہیں۔ذرائع کا کہنا ہے کہ

شریف خاندان کا مری میں چند روز قیام متوقع ہے۔امکان ہے کہ وہ اس دوران مری کہوٹہ کی سیاست کے حوالے سے اہم ملاقاتیں کریں گے۔واضح رہے کہ لیگی قائد مری کو اپنا دوسرا گھر قرار دیتے اور یہاں کی سیاست کو خصوصی اہمیت دیتے ہیں۔

مسلم لیگ ن کا طلال چوہدری کو سینیٹ کا ٹکٹ دینے کا فیصلہ

ادھر مسلم لیگ ن نے جمعہ کے روز طلال چوہدری کو سنیٹ کا ٹکٹ دینے کا فیصلہ کیا ہے۔

مزید یہ کہ پارٹی نے دو صوبائی نشستوں کے ٹکٹ طلال چوہدری کو دینے کا فیصلہ بھی کیا تھا۔ ذرائع نے انکشاف کیا ہے کہ طلال چوہدری کے والد اشرف چوہدری پی پی 101 سے الیکشن لڑیں گے۔

اس کے علاوہ خان بہادر، جنہیں طلال چوہدری نے نامزد کیا تھا، پی پی 100 سے الیکشن لڑیں گے۔ طلال چوہدری کو پارٹی کے فیصلے سے آگاہ کر دیا گیا تھا۔