مری ،سوئی گیس بلوں میں اضافہ،کمرشل اور گھریلو صارفین شدید مشکلات سے دوچار

مری کے ہوٹل مالکان سوئی گیس کے بلوں میں بڑے اضافے کے باعث ہوٹلوں کے گیزروں کو لکڑی پر منتقل کر دیا ہے

جبکہ گیس صارفین سوئی گیس کے کنکشن ختم کروانے پر بھی غور کر رہے ہیں

کیونکہ مری کے کاروبار گزشتہ چار سالوں سے انتہائی مندی کا شکار ہیں ایسے میں سوئی گیس کے بھاری

بھر کم اور بجلی کے بلوں کی ادائیگی اب ناممکن ہو چکا ہے

حکومت بار بار سوئی گیس اور بجلی کے بلوں میں اضافہ کر کے عوام اور کاروباری حلقوں کی پریشانیوں میں اضافہ کر رہی ہے

حکومت کاروباری حلقوں اور گھریلو صارفین کو ریلیف دیتے ہوئے گیس اوربجلی کے بلوں میں اضافہ کو فوری ختم کرے

ان خیالات کااظہار چیئرمین ہوٹل ایسوسی ایشن رجسٹرڈ راجہ عرفان عباسی نے اپنے بیان میں کیا

انہوں نے کہا کہ مہنگائی نے پہلے سے ہی عوام کی زندگی عذاب بنا رکھی ہے

عوام دو وقت کی روٹی پوری نہیں کر سکتے ایسے میں سوئی گیس کے بھاری بھرکم کیسے ادا کریں گے

اگر حکومت نے سوئی گیس اور بجلی کے بلوں میں اضافے کو فوری واپس نے لیا تو لوگ کاروبار بند کرنے پر مجبور ہو جائیں گے۔