ایبٹ آباد میں آتشزدگی سےگھرکے 9 افراد لقمہ اجل بن گئے

ایبٹ آباد کے علاقے قلندرآباد میں ایک گھر میں خوفناک آتشزدگی کے بعد کچے مکان کی چھت مکینوں پر آ گری جس کے نتیجے میں ایک ہی گھر کے 9 افراد ملبے میں دب کر جاں بحق ہو گئے جن میں خوقاتین اور بچے شامل ہیں۔

تفصیلات کے مطابق ایبٹ آباد کے نواحی گاؤں ترھیڑی تھانہ مانگل کی حدود میں ذاکر عباسی کے گھر میں مبینہ طورپر شارٹ سرکٹ سے آگ بھڑک اٹھی جس کے نتیجے میں گھر کے نو افراد لقمہ اجل بن گئے۔

مقامی لوگوں کی امدادی کارروائیوں کے ساتھ اطلاع ملنے پر ریسکیو 1122 کی ڈیزاسٹر وہیکل بمعہ ٹیم اور فائر وہیکل بمعہ فائٹرز اور تین ایمبولینسز  جائے حادثہ پر پہنچی ۔عینی شاہدین اور ریسکیو ذرائع کے مطابق  ایک ہی فیملی کے 9افراد مٹی چھت منہدم ہونے کی وجہ سے مکان میں ہی دب گئے تھے۔

ملبے میں دب کر جاں بحق ہونے والوں میں نگینہ بی بی زوجہ ذاکر،سائرہ ،طیبہ ،ہاشم،لائبہ،قاسم ،حسن،فاطمہ بی بی اور سفیان شامل ہیں۔ذرائع کے مطابق مقامی لوگوں نے اپنی مدد آپ کے تحت آگ بجھانے کی کوششیں کی تاہم کچا گھر ہونے کی وجہ سے آگ پر قابو نہ پایا جاسکا۔ملبے سے لاشیں نکالنے کا کام مکمل کر لیا گیا ہے۔
اس آپریشن کی نگرانی ایمرجنسی آفیسر 1122 حفیظ الرحمن  کر رہےہیں۔

9 people died due to fire in Abbottabad,ایبٹ آباد میں آتشزدگی سےگھرکے 9 افراد لقمہ اجل بن گئے