راولپنڈی اور اسلام آباد میں زلزلے کے جھٹکے

راولپنڈی، اسلام آباد، خیبرپختونخوا اور آزاد کشمیر کے مختلف علاقوں میںمیں زلزلے کے جھٹکے محسوس کیے گئے ہیں۔
زلزلے کے بعد لوگوں میں خوف و ہراس پھیل گیا اور وہ کلمۂ طیبہ کا ورد کرتے ہوئے گھروں سے باہر آگئے۔
ذرائع کے مطابق کسی بھی شہر سے جانی نقصان کی اطلاع نہیں ملی ہے۔
زلزلہ پیما مرکز کے مطابق اسلام آباد سمیت مختلف علاقوں میں آنے والے زلزلے کی شدت 4.4 ریکارڈ کی گئی۔
زلزلے کا مرکز کشمیر کے جنوب مغرب میں تھا جبکہ اس کی زیر زمین گہرائی 11 کلومیٹر تھی۔