تحریک انصاف کے کئی روپوش رہنما سامنے آگئے

اس موقع پر ایک اور روپوش رہنما اور سابق وفاقی وزیر مراد سعید کا تحریری بیان پڑھ کر سنایا گیا جس میں انہوں نے لاہور سے راولپنڈی تک عمران خان کے ساتھ سفر کی روداد بیان کی اور بلھے شاہ کے ایک شعر کے ساتھ پارٹی قیادت سے وفاداری کا عزم بھی ظاہر کیا۔

اس موقع پر خطاب کرتے ہوئے تحریک انصاف کے سابق وفاقی وزیر اور سنیٹر اعظم سواتی کا کہنا تھا کہ وہ روپوشی کی حالت میں بدترین وقت گزار رہے ہیں ،کبھی کسی جنگل میں ہوتے ہیں تو کبھی کہیں، انہیں اپنے بارے میں بھی کچھ پتہ نہیں ہوتا۔ان کا کہنا تھا کہ اس موقع پر انہیں ان خواتین کا خیال آ تا ہے جو جیلوں میں قید ہیں۔
نو مئی کے واقعات میں مطلوب ایک اور سینئر رہنما عمر ایوب کا کہنا تھا کہ وہ اس جلسے کو پاک فوج کے نام کرتے ہیں۔ پاک فوج ہمارا اپنا ادارہ ہے۔ہم ان کی قربانیوں کی قدر کرتے ہیں۔