ڈی آئی خان، سیکیورٹی فورسز کا خفیہ اطلاع پر آپریشن، دہشتگرد ہلاک

آئی ایس پی آر کے مطابق سیکیورٹی فورسز نے ڈیرہ اسماعیل خان کے علاقے کلاچی میں آپریشن کیا، آپریشن دہشتگردوں کی موجودگی کی خفیہ معلومات کی بنیاد پر کیا گیا تھا۔

پاک فوج کے شعبہ تعلقات عامہ کے مطابق سیکیورٹی فورسز اور دہشتگردوں میں مقابلے کے دوران ایک دہشتگرد حبیب الرحمان ہلاک ہوگیا۔

ہلاک دہشتگرد سیکیورٹی فورسز اور شہریوں پر حملوں میں ملوث تھاجس سے اسلحہ و بارود بھی برآمد ہوا ہے۔

آئی ایس پی آر کا کہنا ہے کہ علاقہ میں دیگر دہشتگردوں کی تلاش کیلئے آپریشن جاری ہے، سیکیورٹی فورسز نے ملک سے دہشتگردی ختم کرنے کا عزم کیا ہوا ہے۔