اسلام آباد :نواز لیگ کا سابق یو سی چیئرمین 3ساتھیوں سمیت قتل

تفصیلات کے مطابق تھانہ شہزاد ٹاؤن کے علاقہ میں منگل کی شب قتل کی لرزہ خیز واردات ہوئی ہے جس میں مسلم لیگ نون کے سابق  یو سی چیئرمین جھنگی سیداں سید ابرار شاہ کی پراڈو لینڈ کروزر گاڑی پر فائرنگ کی گئی جسکے نتیجے میں ابرار شاہ اور ان کے تین ساتھی  موقع پر جان بحق ہو گئے۔ بعض ذرائع کے مطابق ان میں سے بعض زخمی اسپتال لے جاتے ہوئے زخموں کی تاب نہ لاکر دم توڑ گئے۔

جاں بحق ہونے والوں میں ابرار شاہ کے علاوہ رفاقت،سید علی شیر اورصاحب گل شامل ہیں۔ ترجمان پولیس کے مطابق واردات کے بعد ملزمان  جائے وقوعہ سےفرار ہو گئے ہیں جن گرفتاری کےلیے ناکہ بندی کرکے ٹیمیں تشکیل دے دی ہیں ،پولیس کے مطابق بظاہر واقعہ دشمنی کا نتیجہ معلوم ہوتا ہے تاہم اس حوالے سے شواہد جمع کرنے کے ساتھ ساتھ مزید تفتیش شروع کر دی گئی ہے۔