نگران وزیرِاعظم کویت پہنچ گئے۔اہم معاہدوں پر دستخط متوقع

نگران وزیرِاعظم انوارالحق کاکڑ مختصر دورے پر کویت پہنچ گئے جہاں اعلی کویتی عہدیداروں سے ملاقات اورکئی اہم معاہدوں پر دستخط متوقع ہیں۔

انوارالحق کاکڑ کا کویت پہنچنے پروہاں کے وزیرِ بجلی، پانی و قابل تجدید توانائی ڈاکٹر جاسم محمد عبداللہ الاستاد  نے پرتپاک استقبال کیا، کویت میں پاکستانی سفیر ملک محمد فاروق اور دونوں ممالک کے اعلیٰ سفارتی اہلکار بھیاس موقع پر موجود تھے۔
نگران وزیراعظم اپنے دورے کے دوران کویت کے وزیراعظم ولی عہد شيخ مشعل الاحمد الجابر الصباح اور وزیرِ شيخ احمد النواف الاحمد الصباح سے ملاقات کریں گے، انوارالحق کے دورہ کویت سے دونوں ممالک کے مابین اقتصادی و معاشی تعاون کے نئے دور کا آغاز ہوگا۔

انوارالحق کاکڑ کے دورے کے دوران افرادی قوت، انفارمیشن ٹیکنالوجی، معدنیات و کان کنی، غذائی تحفظ، توانائی اور دفاع کے شعبوں میں باہمی تعاون کی مفاہمتی یادداشتوں پر دستخط کئے جائیں گے