9 مئی کے بعد پی ٹی آئی کا پہلا ورکرز کنونشن

چارسدہ میں سابق ایم این اے فضل محمد خان کے حجرہ میں تحریک انصاف کا ورکرز کنونشن منعقد ہوا جو 9 مئی کے بعد پہلا ورکرز کنونشن تھا۔
کنونشن میں بڑی تعداد میں پیںٹی ائی کارکنان نے شریک کی جبکہ چیئرمین پی ٹی آئی عمران خان کے وکیل شیر افضل مروت نے کنونشن میں خصوصی شرکت کی۔
ورکرز کنونشن سے خطاب کرتے ہوئے ایڈووکیٹ شیر افضل مروت نے کہا کہ صاف شفاف الیکشن کی صورت میں تحریک انصاف 2 تہائی اکثریت حاصل کرے گی، دیگر سیاسی پارٹیوں کو چوک چوراہوں میں جلسے جلوسوں کی کھلم کھلا اجازت ہے مگر تحریک انصاف کو چاردیواری کے اندر بھی کنونشن کی اجازت نہیں۔
خیال کیا جا رہا ہے کہ ورکرز کنونشن کے انعقاد کی وجہ سے تحریک انصاف کے مقامی لیڈر شپ کے خلاف مقدمہ درج ہونے کا خدشہ ہے۔
پولیس کے مطابق ورکرز کنونشن حجرہ کی چاردیواری کے اندر کیا گیا، اس لیے تحریک انصاف کے کسی رہنماء کے خلاف تاحال کوئی ایکشن نہیں لیا جا رہا۔