حج پالیسی 2024ء منظور، اعلان کل کیا جائے گا

نگران وزیراعظم انوار الحق کاکڑ کے زیر صدارت وفاقی کابینہ کا اجلاس ہوا، ذرائع کے مطابق حج پالیسی پر تین رکنی وزارتی کمیٹی کی سفارشات پر تبدیلیوں کی منظوری دی گئی۔

یکم نومبر کو حج پالیسی سے متعلق وزیر مذہبی امور کی پریس کانفرنس منسوخ کر دی گئی تھی، اب وزیر مذہبی امور کل پریس کانفرنس میں حج پالیسی 2024ء کا اعلان کریں گے۔

وزیر مذہبی امور کی یکم نومبر کو سعودی سفیر سے خصوصی ملاقات بھی ہوئی تھی، سعودی سفیر اور وزیر مذہبی امور کی ملاقات کے بعد پریس کانفرنس کی منسوخی کا اعلان سامنے آیا تھا۔