پشاور،کالعدم تنظیم داعش کا مالی معاون گرفتار

پشاور کے علاقے پھندو میں پولیس اور سی ٹی ڈی نے کارروائی کرتے ہوئے کالعدم داعش کے مالی معاون کو گرفتار کر لیا۔

پشاور،کالعدم تنظیم داعش کا مالی معاون گرفتار

ملزم سے 7 کروڑ مالیت کی غیر ملکی کرنسی برآمد کرلی گئی۔
سی ٹی ڈی حکام کے مطابق کاروبار کے نام پر کالعدم تنظیم داعش کو فنڈنگ کرنے والے ملزم سلطان کا تعلق افغانستان سے ہے۔

یہ بھی پڑھیں توشہ خانہ ریفرنس ،نواز شریف کی ضبط شدہ جائیداد اوراثاثے واپس

گرفتار ملزم کی نشاندہی پر دیگر ساتھیوں فیروز، روف، محمد حسن اور خان محمد کی تلاش بھی جاری ہے۔

حکام کا کہنا ہے کہ گرفتار ملزم، دہشتگردوں کو کروڑوں روپے ارسال کر رہا تھا، دہشت گردی دفعات کے تحت تھانہ سی ٹی ڈی میں مقدمہ درج کر لیا گیا۔

یہ بھی پڑھیں قمر جاوید باجوہ نے عدم اعتماد سے 2 دن قبل بلا کر تحریک واپس لینے کا کہا،بلاول

سی ٹی ڈی کے مطابق گرفتار ملزم سے 11 ہزار ڈالر ، ایک لاکھ 50 ہزار یورو، 22 ہزار ریال برآمد ہوئے۔

سکیورٹی حکام کا کہنا ہے کہ گرفتار ملزم کی جیب سے پشتو میں لکھی گئی تحریر ملی جس پر لکھا ہے

اس ٹارگٹ کے بعد دوسرے ہدف کا انتظار کرو جبکہ جیب سے داعش کی، کی چین بھی برآمد ہوئی۔